`इश्वर´ को पोस्टरमा पृथ्वीराज र अनु रोमान्टिक

काठमाडौं ।

‘ईश्वर’को नयाँ पोस्टर सार्वजनिक गरिएको छ । पोस्टरमा फिल्मका मुख्य कलाकार द्वय पृथ्वीराज प्रसाईं र अनु शाह रोमान्टिक अवतारमा प्रस्तुत भएका छ्न । साउन ११ गतेबाट प्रदर्शनमा आउने फिल्मलाई राजु गिरीले निर्देशन गरेका हुन ।
दिव्या कंगना फिल्मस्को ब्यानर र हरिबहादुर थापाको निर्माण रहेको फिल्मको स्क्रीप्ट भोजराज देवकोटाले लेखेका हुन । केही दिन अघि पोखरामा सम्पन्न फिल्मको वशेषनि शोमा दर्शकले मन पराएको जानकारी निर्देशक राजुले दिएका छन ।

लक्ष्मी कुँवर थापाको प्रस्तुति रहेको फिल्ममा पृथ्वीराज र अनुको साथमा ध्रुव थापा, सुनिल थापा, सविन बास्तोला, माओत्से गुरुङ, शिशिर बाङ्देल, रविन्द्र झा, बुद्धि तामाङ, कृष्टि गुरुङ, गीता अधिकारीलगायतको अभिनय छ ।

अभिनेत्री अनुले यहि फिल्मबाट ५ वर्षपछि ठूलो पर्दामा कमब्याक गरेकी हुन्। अर्जुन पोखरेल, राजेन्द्र बजगाई र बीपी वाग्लेको संगीत, भिष्मराज फुलारा र जगदीश आचार्यको गीत, कविराज गहतराज, देवेन्द्र पाण्डे र सुरेश पाण्डेको कोरियोग्राफी रहेको फिल्म रामेश्वर हुँमागाईले खिचेका हुन । फिल्मलाई आरआर फिल्म्सले बितरण गर्दैछ ।