‘फर्की फर्की’ को अन्तिम माया..मा अनमोल र जसिताको प्रेमपीडा

काठमाडौं ।
प्रतिक्षित फिल्म ‘फर्की फर्की’ मा समाबेश ‘अन्तिम माया’ बोलको गीत शुक्रबार सार्वजनीक गरिएको छ । रोहित अधिकारीको निर्माण अनि सुयोग गुरुङको निर्देशनमा बनेको फिल्मको गीतमा अभिनेता अनमोल केसी र अभिनेत्री जसिता गुरुङ फिचर छन् ।

ट्रयाजेडी भावको गीतमा नरेन लिम्बूको शब्द,संगीत र स्वर छ । कथामा सिक्वेन्सको मागका कारण करिब सात बर्षअघिको चर्चित गीतलाई रि–एरेञ्ज गरिएको निर्माण पक्षले बताएको छ । फिल्मको यसअघि सार्वजनीक ‘फर्की फर्की’ बोलको शीर्ष गीतले दर्शकस्रोताको मन जितिरहेको छ । रोहित अधिकारीको प्रस्तुति रहेको फिल्मको निर्मातामा रोहित अधिकारी र ओमप्रकाश अग्रवाल छन् ।

मनोज ओली र रामु न्यौपाने सहनिर्माता रहेको फिल्ममा अनमोल र जसिताका साथमा रबि काफ्ले,समृद्धि अर्याल,सलोन बस्नेत लगायतका कलाकारको अभिनय छ । निर्माण क्रमसँगै चर्चामा रहेको फिल्मलाई राजधानीमा काफिया फिल्मस् र मोफसलमा कुवेर फिल्मस्ले बितरण गर्दैछ ।
हेर्नुस् भिडियोः–