६ दिनमा ‘बोक्सीको घर’ को ब्यापार सवा ४ करोड माथि

काठमाडौं ।
अभिनेत्री केकी अधिकारी निर्मित,अभिनित ‘बोक्सीको घर’ फिल्मले आक्रामक ब्यापार गरिरहेको छ । बैशाख १४ गतेदेखि प्रदर्शनमा आएको फिल्मले प्रदर्शनको चौथो दिन (सोमबार) सम्ममा ३ करोड २४ लाख ग्रस गरेको जानकारी बितरण कम्पनी टि फल्कले जनाएको छ । ‘बोक्सीको घर’ ले मंगलबार र बुधबार पनि आक्रामक ब्यापार गरेको छ ।

बुधबार त झन् बिहानदेखिनै देशभरका अधिकांश हल हाउसफूल देखिएका छन् । बुधबार कतिपय हलमा टिकट दर आधा भए तापनि यो फिल्मले करिब ८० लाखको ब्यापार गरेको आँकडा देखिएको छ । यसहिसावले यो फिल्मले बुधबारसम्म सवा चार करोड बढीको ब्यापार गरेको देखिन्छ । ‘बोक्सीको घर’ मा दर्शक ओइरिएको देख्दा शुक्रबार प्रदर्शन हुन लागेको ‘मनसरा’ लाई असर गर्ने देखिएको छ । ‘मनसरा’ को टिकट बुकिङ खुलीसकेको छ । यद्यपी,उत्साहजनक बुकिङ चाहिँ देखिएको छैन । तथापी, ‘मनसरा’ ले पनि बक्स अफिसमा धमाल मच्चाउने आँकलन गरिएको छ ।

सुलक्षण भारती लिखित तथा निर्देशीत ‘बोक्सीको घर’ मा केकीका साथमा बालकलाकार सुपला सापकोटा,रमा थपलिया,लोृकमणि सापकोटा,स्वेच्छा राउत र निर्देशक भारती स्वयम् मुख्य भूमिकामा छन् ।