‘पूर्णबहादुरको सारंगी’ मा प्रकाश सपुत

काठमाडौं ।
गायक,अभिनेता प्रकाश सपुत ‘‘पूर्णबहादुरको सारङ्गी’ फिल्ममा अनुबन्धित भएका छन् । गायक,गीतकार,संगीतकारका साथै ‘परदेशी–२’ बाट अभिनेताका रुपमा समेत परिचित प्रकाशको यो नै दोश्रो फिल्म हो । नेपाली फिल्म अन्तराष्ट्रिय बितरणमा चर्चित सेभेन सिज सिनेमाज्ले निर्माण गर्ने फिल्मलाई सरोज पौडेलले निर्देशन गर्ने छन् ।

जेठको दोस्रो साताबाट छायांकनमा जाने तयारी रहेको ‘पूर्णबहादुरको सारंगी’ को हालै थिम भिडियोसहित मोसन पोस्टर सार्वजनीक गरिएको थियो । निर्देशक सरोजकै कथा रहेको फिल्मको निर्मातामा बिनोद पौडेल र प्याट्रिक सुवेदी छन् । फिल्मका गीतमा प्रशान्त शिवाकोटीको संगीत छ । महेश दवाडीको पटकथा,संवाद रहेको फिल्मको कार्यकारी निर्मातामा रमेश चौलागाई र हरि श्रेष्ठ छन् । गन्धर्व जातिको बाजा सारंगीसँग जोडिएको मौलिक कथामा निर्माण गर्न लागीएको फिल्म ०८२ मा दर्शकमाझ ल्याउने योजना निर्माण पक्षको छ ।