प्रज्ञाको निर्देशनमा ‘ठूल्दिदी’ सिरिज बन्ने

काठमाडौं ।
अभिनेत्री प्रज्ञा जोशीले नयाँ टिभी सिरिज ‘ठुल्दिदी’ निर्माण गर्ने भएकी छिन् । उनको सिरिजको शुक्रबार राजधानीमा शुभ मुहुर्त गरिएको छ । अभिनेत्री प्रज्ञाकै निर्देशनमा बन्ने सिरिजमा उनी स्वयम्, विष्णु रिजाल, माधवा खनाल,आमिश्का बुढाथोकी,विमल धमला र विनयराज पौडेलको अभिनय रहनेछ ।

लय संग्रौलाको लेखन र गीत,विकास चौधरीका संगीत र मदनकश्यप घिमिरेको छायांकन रहने सिरिज अघि प्रज्ञाले ठूलो पर्दाका ‘सम्झना’, ‘नोटबुक’, ‘सपुत’, ‘न बिर्से तिमीलाई’ लगायतका फिल्म निर्माण गरेकी थिइन् । पछिल्लो समय उनी टेलिसिरियलमा ब्यस्त छिन् ।