‘खजुरे ब्रो’ मा यसरी पैसा उडाइछिन् नीतिले (भिडियो)

काठमाडौं।
कमेडी फिल्म ‘खजुरे ब्रो’ को प्रमोशनल गीत ‘मनि मनि..’ सार्वजनीक गरिएको छ । यही वैशाख २८ गतेदेखि प्रदर्शन हुने फिल्मको यसअघि दर्शकमाझ ल्याइएको ‘लभ गर्ने मान्छे’ बोलको गीत अहिले चर्चामा छ । यो प्रमोशनल र्याप गीतले पनि बजार तताउदैछ । र्यापर कुशल पोखरेलको स्वर,शब्द र केपासको संगीतमा रहेको गीतले मान्छेहरुमा हावी हुदै गइरहेको पैसा मोह दर्शाएको छ । फिल्म रिलिज नजिकिदै जादा निर्माण टिमले फिल्मबारे अझ मजबुत रुपले दर्शकमाझ पुर्याउनका लागि यो गीत निर्माण गरेको निर्देशक सुरज सुनुवार बताउछन् । उनले आफ्नो फिल्म वास्तवीक घटनाहरुबाट प्रेरित तथा अहिले चलिरहेको भन्दा भिन्दै स्वादको भएको दावी गर्दै आएका छन् ।

भिडियोमा नायिका नीति शाह,रेअर राई, विनिता थापा मगर,महेश त्रिपाठी,नवीन मानन्धरलगायतले पैसा उडाइरहेका छन् । दिव्य दृश्य इन्टरटेन्मेन्टले मान्द्रो प्रोडक्सन तथा मल्टी प्रपोज प्रालिसँगको सहकार्यमा निर्माण गरेको फिल्मका निर्माता नविन मानन्धर र सुरज सुनुवार हुन्। सुनील श्रेष्ठ,अनिल मानन्धर र पिकेश मानन्धर सहनिर्माता रहेको फिल्मको कार्यकारी निर्माता डायमण्ड उप्रेती हुन् । फिल्ममा नीति शाह, रेअर राई, महेश त्रिपाठी, नवीन मानन्धर, विनिता थापा, पुस्कर कार्की, प्रकाश भुजेल, मनिष राउत,प्रेम सुब्बा,सुजाता राई,दिप चन्द्र राईलगायतले अभिनय गरेका छन् ।

हेर्नुस् भिडियोः–