‘मनसरा’ को ट्रेलरमा कमेडी र सेन्टिमेन्टस्

काठमाडौं ।
लेखक,निर्देशक उपेन्द्र सुब्बाको दोश्रो फिल्म ‘मनसरा’ को ट्रेलर बुधबार सार्वजनीक गरिएको छ । करिब साढे ४ मिनेट लामो ट्रेलरमा लिम्बु र बाम्हणबीचको छेडखानी,आकर्षण,पारिवारिक बिग्रह तथा दैनीक जीवनका अव्यवहरु प्रस्तुत गरिएको छ । कमेडी र सेन्टिमेन्टस्को प्रचुरता देखिएको ट्रेलरले गत बर्ष रिलिज भएको सुपरहिट फिल्म ‘जारी’ कै झल्को दिएको छ ।
‘मनसरा’ मा दयाहाङ राई,मिरुना मगर,प्रविण खतिवडा,मेनुका प्रधानलगायतका कलाकारले अभिनय गरेका छन् । उपेन्द्र सुब्बाकै लेखन रहेको फिल्मलाई एप्पल इन्टरटेन्मेन्टले बितरण गर्दैछ । फिल्म २१ बैशाखमा देशब्यापी प्रदर्शनमा आउदैछ ।

हेर्नु्स ट्रेलर–