‘मेरो गीत तिमीलाई..’ मा दृष्टिविहीन गगन र समीको सुन्दर अभिनय (भिडियो)

काठमाडौं ।
धरानका २१ बर्षीय युवा गगन आलेले अहिले गायकको रुपमा स्रोता दर्शकको मन जित्दै गइरहेका छन् । जन्मजात दृष्टिबिहीन गगनले आफ्ना बाबुआमाको २३ औं वैवाहिक वर्षगाँठको अवसर पारेर मंगलबार आफ्नो पहिलो गीत ‘‘मेरो गीत तिमीलाई हो’ सार्वजनिक गरेका हुन । आफ्नै शब्द,स्वर र संगीत रहेको गीत ओएसआर डिजिटलमार्फत दर्शकमाझ ल्याइएको हो ।

कृष्णदेव रुपाखेतीले निर्देशन गरेको भिडियोमा गायक गगन स्वयम् र मोडल समी लावती फिचर छन् । गगन झै समी पनि जन्मजात दृष्टिविहिन हुन् । मुकेश हुमागाईले खिचेको भिडियोमा राहुल बराइलीको कोरियोग्राफी छ । मिन रावलले सम्पादन गरेको भिडियोमा कठमाडौंको फर्पिङ क्षेत्रका बिभिन्न आकर्षक लोकेशन देख्न पाइन्छ । दृष्टिविहिन् भए पनि गगन र समीलाई अभिनय गराउन कत्ति असहज नभएको अनुभव सुनाउदै गगन र समीले निकै सहजताका साथ स्वभाविक अभिनय गरेकाले गीत झै भिडियो पनि सुन्दर बन्न सकेको निर्देशक रुपाखेती बताउछन् ।
हेर्नुस् भिडियो–