हरिहरको बर्थ डेमा ‘ह्रस्व-दीर्घ’ को नयाँ पोस्टर

काठमाडौं ।
ज्योतिष हरिहर अधिकारीले आफ्नो जन्मदिनको अवसर बुधबार ‘ह्रस्व–दीर्घ’ फिल्मको नयाँ पोस्टर सार्वजनीक गरेको छ । हरिहर स्वयम्ले निर्माण तथा अभिनय गरेको ‘ह्रस्व–दीर्घ’ दशैको छेको पारेर ११ असोजमा प्रदर्शन आउदैछ ।
चन्द्र पन्त निर्देशीत यो फिल्मको सार्वजनीक नयाँ पोस्टरमा हरिहरको दुईटा ‘गेटअप’ देखाएको छ । एउटा फोटोमा उनी लामो कपाल पालेको,लेदर ज्याकेट लगाएको आधुनीक युवाको रुपमा देखिएका छन् भने अर्काे फोटोमा निधारमा बिभुति लगाएको धार्मिक युवाको भेष देखाएका छन् ।

अभिनेत्री नीता ढुंगाना निर्मात्री रहेको फिल्ममा दक्षिण भारतका चर्चित अभिनेता ब्रम्हानन्दलगायतका अन्य केही भारतीय कलाकारहरुको समेत अभिनय छ । फिल्ममा हरिहर र नीता ढुंगानाको साथमा गरिमा शर्मा र पुरानी अभिनेत्री बिपना थापाले पनि अभिनय गरेका छन् ।