राँगामाथि उफ्रेर ‘भाइरल गोर्खे’ बन्दै सौगात,सृष्टिसँग प्याचअप !

काठमाडौं ।
ब्रेकअपपछि एकपटक पुनः सौगात मल्ल र सृष्टि श्रेष्ठ सँगै फिल्म खेल्दैछन् । केही बर्षअघिसम्म प्रेममा रहेका उनीहरुको दुई बर्षअघि ब्रेकअप भएको थियो । प्रेममा हुदा सौगातले सृष्टिलाई फिल्ममा सिफारिस मात्रै गर्दैन्थे, उनलाई नै शीर्ष भूमिकामा राखेर ‘दि सिक्रेट अफ राधा’ फिल्म पनि बनाए । ‘राधा’ ले आर्थिक नोक्सानी दिलायो । त्यसको झण्डै बर्ष दिनपछि उनीहरुबीच ब्रेकअप भएको खबर आयो । त्यसपछि भने उनीहरु सँगै फिल्ममा देखिएका थिएनन् ।
अब भने उनीहरुलाई ‘भाइरल गोर्खे’ नामक फिल्ममा संगै देख्न पाइने छ ।

निगम श्रेष्ठको निर्देशनमा बैशाख पहिलो साताबाट छायांकन सुरु हुने फिल्ममको मंगलबार फस्र्टलुक पोस्टर सार्वजनीक गरिएको छ । पोस्टरमा भने सौगात एक्लै दुईटा राँगामाथि उफ्रीरहेको देखिन्छ । यसर्थमा यो फिल्म कमेडी जनराको भएको अनुमान हुन्छ । बिशाल ताम्राकार र महेश लामिछाने निर्माता रहेको फिल्ममा सौगात,सृष्टिको साथमा बुद्धि तामाङ,लक्ष्मी गिरीलगायतका कलाकारले अभिनय गर्ने बताइएको छ । फिल्म लम्जुङ र गोर्खामा खिचीने बताइन्छ । निर्देशक निगमले यसअघि ‘छडके,’ ‘लालपूर्जा’ र ‘छडके–२’ निर्देशन गरिसकेका छन् । उनले ब्याबसायिक सफलता हासिल गर्नका लागि भने धेरै नै मिहिनेत गर्नुपर्ने पछिल्लो समय प्रदर्शनमा आएको अनमोल केसी स्टारर उनको ‘छड्के–२’ फिल्मले देखाएको थियो ।