के हो सेभेन सिजले बनाउन लागेको `प्रोजेक्ट सारंगी´ ?

काठमाडौं ।

नेपाली फिल्मको अन्तर्राष्ट्रिय बितरण तथा प्रदर्शनमा छोटो समयमै बर्च्श्व कायम गर्न सफल सेभेन सिज  इन्टरटेन्मेन्टले अब फिल्म निर्माणमा समेत पाइला अगाडि बढाएको छ । त्यसो त निर्माताको रुपमा यो कम्पनीले गत फागुनमा रिलिज भएको `अगस्त्य´ मा आंशिक सहकार्य गरेको भए तापनि अब भने पूर्ण रुपले निर्माणमा उत्रन लागेको हो । सेभेन सिज सिनेमाजको प्रस्तुतिमा बन्ने फिल्मको वर्किङ टाइटल- ‘प्रोजेक्ट सारंगी´राखिएको छ ।

सेभेन सिजका एक प्रमुख साझेदार बिनोद पौडेलले केही महिना अघि नै सामाजीक संजालमा #प्रोजेक्ट सारंगी भनेर कौतुहलता जगाइ रहेका थिए । अब भने औपचारिक रुपमा फिल्मको आधीकारिक नाम घोषणा गर्न लागिएको छ । उनका अनुसार यही बैशाख ७ गते आफुहरुले निर्माण गर्ने फिल्मको नामसहित बिस्तृत जानकारी सार्वजनिक गरिनेछ । यद्द्पी, हाल पोस्ट गरिएको `प्रोजेक्ट सारंगी´ को थिम पोस्टरले फिल्म चर्चित बाजा सारंगी सम्बन्धि रहेको बुझाएको छ ।

सरोज पौडेलको निर्देशनमा निर्माण हुने फिल्मको निर्मातामा विनोदका साथमा प्याट्रिक सुवेदी छ्न । महेश दवाडीको पटकथा,संवाद र प्रशान्त शिवाकोटीको संगीत रहने फिल्म ०८२ मा बिश्वभर एकसाथ प्रदर्शनमा ल्याइने छ ।