`सारंग´ को सुटिङ सुरु

काठमाडौ ।
केही दिन अघि घोषणा गरिएको फिल्म`सारंग´को शुभमुहुर्तसंगै आइतबारबाट सुटिङ सुरु भएको छ । प्रशान्त तामाङको निर्देशनमा ऋचा शर्मा मुख्य भूमिकामा रहेको फिल्मको कान्जिरोवा स्कुल,कोटेश्वरमा फिल्म टिमले क्यामेरा तथा स्कृप्ट पूजा गर्दै सुटिङ थालेको हो । सुटिङ सेड्युल करिव एक महिना तय गरिएको छ ।

कोरियोग्राफरको रुपमा समेत स्थापीत निर्देेशक तामाङकै लेखन रहेको फिल्म बाल मनोबिज्ञान, बालअधिकार तथा धनी र गरिब परिवारबीचको खाड्लको बिषयमा निर्माण हुदैछ । यसअघि पनि बालमनोबिज्ञानको बिषयमा ‘ठूलो मान्छे’ निर्देशन गरेका प्रशान्त फिल्ममार्फत समाजलाई केही सकारात्मक सन्देश प्रवाह गर्ने कोसिसमा रहेको बताउछ्न ।

फिल्ममा ऋचाका साथमा उत्पल झा,समीरमणि दीक्षित,सुरज तमु,मणि के राई,अनिषा न्यौपाने,निरज ब्ल्याक,दीपीका थापा,सुमन सागर जंग केसीका साथमा बालकलाकार द्वय सम्राट थापा र आदित्य कार्कीले अभिनय गर्दैछन् । फिल्म बालदिवसको छेकोमा रिलिज गरिने बताएको छ ।