‘खजुरे ब्रो’ को टिजर सार्वजनीक

काठमाडौं ।
निर्देशक सुरज सुनुवार निर्देशीत कमेडी जनराको फिल्म ‘खजुरे ब्रो’ को टिजर शुक्रबार रिलिज गरिएको छ। साढे एक मिनेट लामो टिजरमा साथी–साथीको सम्बन्ध,मायाप्रेम तथा जीवनयापनका लागि उनीहरुले अप्नाउने बिबिध हर्कतहरुलाई प्रस्तुत गरिएको छ । टिजरमा फिल्मका प्रमुख पात्रहरु, रेअर राई, नीति शाह,महेश त्रिपाठी तथा नवीन मानन्धर छाएका छन् ।

बैशाख २८ गतेबाट देशब्यापी प्रदर्शनमा आउने तयारीमा रहेको ‘खजुरे ब्रो’ बास्तविक पात्र तथा घटनाहरुबाट प्रेरित रहेको बताइने गरिएको छ । फिल्ममा नीति,रेअर,महेश,नवीनका साथमा प्रकाश भुजेल बिनिता थापा मगर,सुष्मा निरौला, पुस्कर कार्की, मनिष राउत, प्रेम सुब्बा, सुजाता राई, पवन लिम्बु, दीपचन्द्र राईलगायतले अभिनय गरेका छन् । नविन मानन्धर र निर्देशक सुरजको संयुक्त निर्माणमा बनेको फिल्मको सहनिर्मातामा सुनील श्रेष्ठ,अनिल मानन्धर र पिकेश मानन्धर छन् । डायमण्ड उप्रेती कार्यकारी निर्माता रहेको फिल्म शिशिर बिसंखेले खिचेका हुन् । फिल्मलाई आर आर फिल्म्सले वितरण गर्दैछ ।
हेर्नुस् टिजर–