‘पुष्पा–२’ को टिजरमा नारी भेषमा अल्लु,साउन ३१ मा हुनेछ रिलिज

काठमाडौं । 
बहुप्रतिक्षित दक्षिण भारतीय फिल्म ‘पुष्पा–२ द रुल’ को टिजर अभिनेता अल्लु अर्जुनको ४२ औं जन्मदिनको अबसर पारेर सोमबार सार्वजनीक गरिएको छ । एक मिनेट लामो टिजरमा साडी लगाएका अल्लुको एक्शन अवतार प्रस्तुत गरिएको छ ।


सन् २०२१ मा प्रदर्शन भएको तेलुगु भाषाको ‘पुष्पा’ बम्पर हिट भएको थियो । त्यसपछि नै यसको सिक्वेलको प्रतिक्षा गरिएको हो । सुकुमारको लेखन र निर्देशनमा बनेको फिल्मको टिजरमा अल्लुलाई साडी,घुँघरु,कानमा झुम्का तथा गलामामा थुप्रै माला लगाएको फरक गेटअपमा देखाइएको छ । अगस्ट १५ अर्थात् साउन ३१ गते प्रदर्शन हुने फिल्ममा अल्लुका साथमा रश्मिका मन्दना, फहाद फाजिल,धनञ्जय,राव रमेशलगायतले अभिनय गरेका छन् । हिन्दी,तमिल,तेलुगुलगायत बिभन्न ५ भाषामा प्रदर्शन हुने फिल्ममा ८ सय करोड रुपैयाँ लगानी लागेको बताइन्छ ।
हेर्नुस् ट्रेलर–