शोभितको `बद्रीबहादुर´ देशभर एक्लै

काठमाडौं । ‘बद्री बहादुर–मिस्टर संखुवासभा’ फिल्म आज शुक्रबारबाट देशब्यापी एकल प्रदर्शनमा उत्रीएको छ । सोभित बस्नेतको निर्देशनमा बनेको फिल्मलाई अत्याधिक कमेडी फिल्मका रुपमा प्रचार गरिएको छ ।

एबि पिक्चर्स फार्म र सलोन सलिना फिल्मस्को ब्यानरमा सञ्चारकर्मी तथा चलचित्र विकास बोर्डका सदस्य रवि अधिकारी कार्यकारी निर्माता रहेको फिल्मको प्रस्तुतकर्तामा बिजय गोपाल दली र मिथुन भोटे छन् । फिल्ममा धिरेन शाक्य, उत्तम केसी, वर्षा चौलागाई तथा निर्देशक शोभित स्वयं प्रमुख भूमिकामा छन् । संखुवासभा,धरान,लम्जुङ र काठमाडौमा खिचिएको फिल्मको स्क्रिप्ट रामकाजी घिमिरेले लेखेका हुन् ।

शंकर महर्जनको द्वन्द्व निर्देशन तथा समिर मियाँको सम्पादन रहेको फिल्मलाई आरआर फिल्म्सले वितरण गरेको हो । फिल्मले मल्टिप्लेक्स भन्दा सिंगल स्क्रीनमा धेरै शोज पाएको छ ।