‘डिग्री माइला’ को किन मायामा.. सार्वजनीक

काठमाडौं ।
प्रतिक्षित फिल्म ‘डिग्री माइला–एमए थर्ड क्लास’ को दोश्रो गीत ‘किन मायामा यस्तो किन’ सार्वजनीक गरिएको छ । चैत्र ३० गतेदेखि प्रदर्शन हुन लागेको रामबाबु गुरुङ निर्देशीत यो गीतले प्रेमाभाव बोकेको छ ।
हेमन्त रानाको शब्द,संगीत र स्वर रहेको गीतमा दयाहाङ राई र आँचल शर्मा फिचर छन् । लिरिकल भिडियो दर्शकले मन पराएका छन् । यसअघि सार्वजनीक यो फिल्मको गीत तथा ट्रेलरले पनि चर्चा पाइरहेको छ ।

बाँसुरी फिल्मसको ब्यानरमा कबड्डी फिल्मस् र सुष्मा फिल्मस्को सहकार्य रहेको फिल्ममा शिक्षित बेरोजगारको बिषय उठान गरिएको छ । चर्चित नाटक डिग्री माइलालाई पर्दामा उतारिएको फिल्ममा दयाहाङ र आँचलका साथमा माओत्से गुरुङ,बुद्धि तामाङ,बिजय बराल,कमलमणि नेपालगायतका कलाकारले अभिनय गरेका छन् । कृश लामा कार्यकारी निर्माता रहेको फिल्मको निर्मातामा बिशाल गुरुङ,मणिराम पोखरेल,मुध मिजार र सुष्मा गुरुङ छन् । फिल्म शिबराम श्रेष्ठ र राइली एच.शेनले खिचेका हुन् ।

हेर्नुस् गीत–