केकीको ‘बोक्सीको घर’ को बुझीनँ मैले सार्वजनीक (भिडियो)

काठमाडौं,२१ चैत्र ।
अभिनेत्री केकी अधिकारीले निर्माण गरेको फिल्म ‘बोक्सीको घर’ मा समाबेश ‘बुझीनँ मैले’ बोलको नयाँ गीत सार्वजनीक गरिएको छ । समीक्षा अधिकारीको स्वरमा रहेको गीतमा नारी सुन्दरताको गाथादेखि लिएर बोक्सीको नाममा गरिने बिभेदलाई प्रस्तुत गरिएको छ ।
प्रकाश सपुतको शब्द र संगीत रहेको गीतमा केकीका साथमा रमा थपलीया,सुलक्षण भारतीका अनि कोरस नृत्य समाबेश गरिएको छ । सुनील क्षेत्रीले कोरियोग्राफी गरेको गीतले फिल्मको थीम ब्यक्त गरेको छ ।
०८१ बैशाख १४ गतेबाट प्रदर्शनमा आउने तयारीमा रहेको फिल्ममा नेपाली समाजमा यद्यपी बिद्यमान बोक्सी कुप्रथाको बिषय उठान गरिएको छ । सुलक्षण भारतीको लेखन,निर्देशनमा बनेको फिल्ममा सुष्मा निरौला,सविन बास्तोला,सुपला सापकोटा,स्वेच्छा राउतलगायतको अभिनय छ । शिबराम श्रेष्ठले खिचेको फिल्मलाई लोकेश बज्राचार्यले सम्पादन गरेका हुन् ।
हेर्नुस् गीत–