दुई प्रदिपको फिल्मको नाम `एक्लो´ !

काठमाडौं,१९ चैत्र ।

प्रदीप शाहीको निर्देशनमा निर्माण हुने नयाँ फिल्ममा प्रशस्तै कलाकारले अभिनय गर्ने भएका छ्न । आधिकारिक नाम घोषणा नगरिएको भए पनि फिल्मको नाम `एक्लो´ हुने सम्भावना रहेको बताइएको छ । जसमा यसअघि नै प्रदिप खड्का,क्याप्टेन बिजय लामा, बेनिशा हमाल, सुनिल थापा,एवनराज उप्रेती र कविता नेपालीको प्रमुख भुमिकामा अनुबन्धीत भैसकेका छन ।
निर्माण टिमले सोमबार फिल्ममा दीया पुन भूमिकाका लागि अनुबन्धीत भएको जानकारी दिएको छ । दीयाले निर्देशक प्रदीपको यसअघिको फिल्म `अन्तिम संस्कार´मा पनि अभिनय गरेकी थिइन । निर्देशक शाहीकै लेखन रहेको फिल्मको केही दिनमा आधिकारिक घोषणा गर्ने योजना निर्माण टिमको छ

विनोद सुवेदी खत्री ‘क्षितिज’ कार्यकारी निर्माता रहेको फिल्मलाई साइ-फाई जोम्बी थ्रिलर जनराको पहिलो नेपाली फिल्म हुने दावी गरिएको छ । साइ प्रोडक्सन नेपालको ब्यानरमा निर्माण हुने चलचित्रमा ह्याम्साएर एकाउन्टेनको सहकार्य रहने छ।