‘खजुरे ब्रो’ को लभ गर्ने मान्छेमा झुमे कलाकार

काठमाडौं,१८ चैत्र ।
कमेडी जनराको फिल्म ‘खजुरे ब्रो’ को पहिलो गीत आइतबार सार्वजनीक गरिएको छ । राजधानीको सुन्धारास्थित सिडिसि सिनेमा हलमा पत्रकार सम्मेलनका बीच ‘लभ गर्ने मान्छे’ बोलको गीत प्रदर्शन गरिएको हो । अनमोल गुरुङ र अनुपम गुरुङको स्वरमा रहेको गीतमा फिल्म सबै प्रमुख कलाकारलाई प्रस्तुत गरिएको छ ।
सुरज सुनुवारको लेखन,निर्देशनमा बनेको फिल्मको गीत सार्वजनीक कार्यक्रममा डेब्यु अभिनेत्री नीति शाह,अभिनेता रेअर राई,महेश त्रिपाठी,पुस्कार कार्कीलगायतका कलाकार उपस्थिति थिए । पर्दामा गीत चल्दाचन्लै कलाकार मात्र होइन, संचारकर्मीहरु पनि नाचेर माहौल निकै रमाइलो बनाएका थिए ।

बिशेषगरी युवा पुस्ताका दर्शकमाझ यो गीत हिट हुने आँकलन गर्न सकिन्छ । धरानको सेरोफेरोमा खिचिएको फिल्म २८ बैशाखमा देशब्यापी प्रदर्शनमा आउदैछ । फिल्ममा नीति,रियर,महेशका साथमा नवीन मानन्धर,बिनीता थापा मगर,सुष्मा निरौला,पुस्कर कार्की, मनिष राउत,प्रेम सुब्बालगायतका कलाकारको अभिनय छ । मित्र ध्वज गुरुङले सम्पादन गरेको फिल्मको निर्मातामा नवीन मानन्धर र सुरज सुनुवार तथा कार्यकारी निर्मातामा डायमण्ड उप्रेती छन् । फिल्मलाई आरआर फिल्मस्ले बितरण गर्दैछ ।
हेर्नुस् गीत–