मंसिर १४ मा राजु गिरीको ‘इश्वर’

काठमाडौं,१६ चैत्र ।
‘इश्वर’ फिल्मको फस्र्टलुक पोस्टरसँगै प्रदर्शन मिति सार्वजनीक गरिएको छ । राजु गिरीको निर्देशनमा बनेको फिल्म ०८१ सालको मंसिर १४ गते दर्शकमाझ ल्याइने छ । निर्देशक गिरीले ‘इश्वर’ अन्तराष्ट्रिय बजारमा प्रदर्शन लग्नका लागि केही समय लाग्ने भएकाले अहिले नै नेपाल रिलिज मिति तय गरिएको बताए ।

फस्र्टलुकमा फिल्ममा अभिनय गरेका सबै प्रमुख कलाकारलाई अटाइएको छ । फिल्ममा पृथ्वीराज प्रसाई,अनु शाह,ध्रुव थापा,कृष्टि गुरुङ,सुनील थापा,सबिन बास्तोला,शिसिर वाङ्देल,माओत्से गुरुङ,रबिन्द्र झा,बुद्धि तामाङ,गीता अधिकारीलगायतका कलाकारले अभिनय गरेका छन् ।
लक्ष्मी कुँवर थापाको प्रस्तुति रहेको फिल्मको निर्मातामा हरिबहादुर थापा र शंकर गिरी छन् । भोजराज देवकोटाले स्क्रिप्ट लेखेको फिल्मका गीतमा अर्जुन पोखरेल,राजेन्द्र बजगाईँ र बीपी वाग्लेको संगीत,कबिराज गहतराज,देवेन्द्र पाण्डे र सुरेश पाण्डेको कोरियोग्राफी तथा देव महर्जनको द्धन्द्ध निर्देशन छ । रामेश्वर हुमागार्इँले खिचेको फिल्मको बितरक रिच इन्टरटेन्मेन्ट र एफडी हुन् ।