0
Shares
काठमाडौं,२६ माघ ।
गायक भुवन थापा मगरको नयाँ गीत ‘सानू तिमीलाई’ को भिडियो शुक्रबार दर्शकमाझ ल्याइएको छ । सुरेन बसेलले निर्देशन गरेको भिडियोमा न्यु सागर लामा,बबिता पोखरेल र आशिष भुजेलको अभिनय रहेको छ ।
गायक भुवनको सिंगर भुवन टिएम नामक युट्युव च्यानलमार्फत सार्वजनीक गरिएको भिडियोमा न्यु सागर र बबिताबीचको गहिरो प्रेममा आशिषले ‘इन्ट्री’ मार्ने प्रयास गर्छन् । युवा,युवतीबीचको प्रेम तथा छुट्टिनु पर्दाको पीडालाई मिठास पूर्वक दर्शाइएको भिडियोमा न्यु सागर कुशल प्रेमी मात्रै हैन, असल सन्तानका रुपमा पनि प्रस्तुत भएका छन् । उनी रोजगारीका लागि बुढी आमा र मायालुलाई गाउँमै छाडेर हिड्नु परेको छ । प्रेमी नभएको मौका पारि बबितालाई आफ्नो प्रेममा पार्ने आशिषको प्रयास के हुन्छ, त्यसका लागि भने पूरा भिडियो हेर्नै पर्छ ।
लामो समयदेखि कलाकारितामा संघर्षरत न्यु सागर नृत्यमा पारंगत मानिन्छन् । केही चलचित्रमा अभिनय समेत गरेका उनी पछिल्लो समय म्युजीक भिडियो तथा मोडलिङमा पनि सक्रिय छन् ।
डिपी खनाल र शंकर थापा स्माइलको शब्द र संगीत रहेको गीतको भिडियो सुविन गोदारले खिचेको हुन् । राकेश दाहालले कलर र सम्पादन गरेको भिडियोको कोरियोग्राफी रोहित बसेलले गरेका हुन् ।
हेर्नुस् भिडियो-
