0
Shares
काठमाडौं,२० जेठ ।
काजी लिम्बूको निर्माण परिकल्पना र लेखन रहेको फिल्म `जदौ´ को मुख्य अभिनेत्रीमा साम्राज्ञी आरएल शाह अनुबन्धीत भएकी छिन । निर्देशक नखुलाइएको फिल्मको सुटिङ भदौबाट सुरु गरिनेछ ।
अन्तरजातीय प्रेमकथामा निर्माण हुने फिल्मका निर्माता र साम्राज्ञी बीच सोमबार सम्झौता भएको हो । फिल्मका प्रमुख अभिनेता र अन्य कलाकार अनि प्राबिधिक बारे केही समयमै जानकारी दिइने बताइएको छ ।
ॐ चेम्जोङ्ग, रामराजा सुवेदी र शान्ता तामाङ्ग छ्न सहनिर्माता रहेको फिल्मको कानुनी सल्लाहकारमा दामोदर पौडेल र निर्माण ब्यबस्थापकमा बुद्धि माझी छन ।
सिल्भर स्क्रिन इन्टरटेन्मेन्ट र सम्मिश्रण मुभिज एण्ड इन्टरटेन्मेन्ट प्रालिले संयुक्त रूपमा निर्माण गर्ने `जदौ´श्याम तामाङले खिच्ने छन् । बाबुल गिरीको संगीत रहेको फिल्म ०८२ सालभित्रै दर्शकमाझ ल्याइने जानकारी सिल्भर स्क्रीनका निर्देशक अन्जन शर्माले दिएका छ्न ।
