‘सारंग’ को फस्र्टलुक,०७ मंसिरदेखि देशभर

काठमाडौं ।
‘सारंग’ फिल्मको फस्र्टलुक पोस्टर बिहीबार सार्वजनीक गरिएको छ । प्रशान्त तामाङको डेब्यु निर्देशनमा बनेको फिल्म ०७ मंसिरमा प्रदर्शन हुनेछ । टि फल्क फिल्मस्ले बितरण गर्ने फिल्मको फस्र्टलुकमा ऋचा शर्मा र उत्पल झाका साथै बालकलाकार सम्राट थापा र आदित्य कार्कीलाई प्रस्तुत गरिएको छ ।

निर्देशक तामाङ स्वयम्को लेखन रहेको फिल्ममा समीर मणि दीक्षित,सुरज तमु,मणि के राई,अनिषा न्यौपाने,निरज ब्ल्याक,दीपीका थापा,सुमन सागर जंग केसी,बिश्व स्याङ्वो, प्रभातजंगलगायतको समेत अभिनय छ । दर्शन बुद्ध फिल्मस्को ब्यानरमा निर्माण भएको फिल्मको डिओपी गोपाल राय हुन भने सम्पादन मित्र ध्वज गुरुङले गरेका छन् । फिल्मका गीत डिपी खनालले लेखेका हुन्,संगीत शंकर थापा ‘स्माइल’ को छ । फिल्मले शिक्षक,अभिभावक तथा बिद्यार्गी,सबै वर्गका दर्शकमाझ आफ्नो बेग्लै इमेल स्थापीत गर्ने बिश्वास निर्देशक तामाङको छ ।
०००