‘‘पूर्णबहादुरको सारङ्गी’ मा अञ्जना अनुबन्धित्

काठमाडौं ।
नयाँ फिल्म ‘पूर्णबहादुरको सारङ्गी’ को एक प्रमुख भूमिकामा अभिनेत्री अञ्जना बराइली अनुबन्धित भएकी छिन् । सेभेन सिज सिनेमाले निर्माण गर्न लागेको फिल्मलाई सरोज पौडेलले निर्देशन गर्ने छन् ।

फिल्ममा यसअघि नै प्रकाश सपुत,बिजय बराल,मुकुन भुसाल,विनोद न्यौपाने,भोलाराज सापकोटा,देशभक्त खनाल लगायतका कलाकार अनुबन्धित भइसकेका थिए ।

निर्माण युनीटले अञ्जना भित्र्याएको जानकारी बुधबार दिएको हो । जेठ २१ गतेबाट सुटिङ सुरु गर्न लागीएको फिल्मको निर्मातामा बिनोद पौडेल र प्याट्रिक सुवेदी छन् । रमेश चौलागाईं र हरि श्रेष्ठ कार्यकारी निर्माता रहेको फिल्मको पटकथा,सम्वाद महेश दवाडीले लेखेका हुन् । ०८२ सालभित्र नेपालसँगै विश्व बजारमा प्रदर्शन गर्ने लक्ष्य लिइएको फिल्मले गन्धर्व समुदायको वास्तवीक कथा प्रस्तुत गर्न लागेको जनाइएको छ ।