मिरुनालाई पाउन दयाहाङको ‘घरज्वाइँ’ बस्ने सुर (टिजर)

काठमाडौं ।
‘घरज्वाइँ’ फिल्मको टिजर आइतबार सार्वजनीक गरिएको छ । असार २८ गतेबाट वल्र्डवाइड रिलिज हुन लागेको फिल्मको करिब पौने दुई मिनेट लामो टिजरमा दयाहाङ राई,मिरुना मगर,बुद्धि तामाङ,शिसिर वाङ्देललगायतका प्रमुख कलाकार प्रस्तुति भएका छन् ।
अनिल बुढा मगरको कथा र निर्देशनमा जनक घर्ती मगरले निर्माण गरेको फिल्मको टिजरले घरज्वाइँ बस्न बाध्य युवाको परिस्थिति,बाध्यता र जीवनशैलीलाई दर्शाएको छ । जिएम मुभीजको ब्यानरमा निर्माण भएको यो फिल्म मगर संस्कृति,कला र परम्पराको बिषयमा केन्द्रित छ । पूर्वी रुकुमका बिभिन्न रमणीय स्थलमा खिचिएको फिल्ममा दयाहाङ,मिरुना,बुद्धि,शिसिरका साथमा राज काउचा,कविता आले,पुष्कर गुरुङ,अनु थापा,बिना थापा मगर,भोला सापकोटा,खबपु,सुरेश पुनलगायतका कलाकारले अभिनय गरेका छन् ।

सुसन प्रजापतिले खिचेको फिल्मको पटकथा,सम्वाद लेखनमा निर्देशक अनिललाई सुभाष कोइराला र बिनोद खतिवडाले साथ दिएका छन् । नेपालको बितरण आरआर फिल्मस् र अन्तराष्ट्रिय बितरण एमएसएमले गर्ने फिल्मको सम्पादन र कलर करेक्सन कृष्ण भण्डारीले गरेका छन् । दयाहाङ र मिरुनालाई यो फिल्ममा फ्रेस चरित्र,भूमिका र प्रस्तुतिमा हेर्न पाइनेछ ।