‘रावायण’ मा जोडियो यति एयरलाइन्स

काठमाडौं ।
पल शाह र पूजा शर्मा मुख्य भूमिकामा रहेको फिल्म ‘रावायण’ को हाल पूर्वी तराइमा तीव्र गतिमा छायांकन भइरहेको छ । सुदर्शन थापाको निर्देशन रहेको फिल्मसँग यति एअरलाइन्स एयरलाइन्स पार्टनरका रुपमा जोडिएको छ । यति एअर लाइन्स र ‘रावायण’ की निर्मात्री समेत रहेकी अभिनेत्री पूजा शर्माबीच सम्झौता सम्पन्न भएको छ ।

पूजाले आफ्नो फिल्मसँग थुप्रै ब्रान्डहरुले सहकार्य गर्न चाहिरहेको बताउदै यतिसँग जोडिन पाउदा खुशी लागेको बताएकी छिन् । फिल्ममा पूजा र पलका साथमा प्रमोद अग्रहरी,प्रियंका कार्की, निकिता चण्डाक,प्रकाश शाह,कैलाश रावल,अर्जुनजंग शाही, शर्मिला मल्ल,प्रदिप ढकाललगायतका कलाकारको अभिनय छ । शिवम् अधिकारीको लेखन अनि सौरभ लामाको छायाँकन रहेको फिल्ममा विक्रम स्वाँर र रामजी लामिछानेको कोरियोग्राफी र श्री श्रेष्ठको द्वन्द्व निर्देशन रहने छ । फिल्म तीजको अवसर पारेर २१ भदौबाट प्रदर्शनमा आउने तय भइसकेको छ ।