काठमाडौं ।
नयाँ बर्ष २०८१ को अवसर पारेर शनिबार नयाँ फिल्म चलचित्र `यो मन त मेरो नेपाली हो´ को फस्ट लुक्स पोस्टर सार्वजनिक गरिएको छ । नरबहादुर प्रधान (मित्र) को निर्देशनमा बनेको फिल्मको पोस्टरमा रोशन श्रेष्ठ,आयुषा समाल, विल्सन विक्रम राई, बुद्धि तामाङ र विजय बराललाई प्रस्तुत गरिएको छ ।
राष्ट्रिय भावनायुक्त बिषयको यो फिल्म ०८१ साल भित्र दर्शक माझ ल्याइने जानकारी निर्माता ज्ञानबहादुर प्रधान (रोशन) ले दिएका छ्न । पहिलो चरणको सुटिङ झापा,इलाम, भारतको सिक्किम,दार्जीलिङ,जयगाउँ,पश्चिम् बङ्गाललगायतका बिभिन्न स्थानमा गरिएको फिल्मको बाँकी सुटिङ केही समयपछी अमेरिका,युरोपका देशमा पनि गरिनेछ।
पद्मा ईश्वर ईन्टरटेन्मेन्ट र नर प्रधानको प्रस्तुतिमा निर्माण भएको फिल्मले बिश्वभरका नेपालीलाई आफ्नो भाषा, साहित्य, कला, संस्कृतिप्रति अक्षुण रहदै वीर नेपाली हुनुको गर्वानुती गराउन एकताको सुत्रमा बाँध्ने प्रयास गर्ने बताइन्छ । शिवम् अधिकारीको लेखनमा निर्माण भएको फिल्मका गीतमा दिपक शर्माको संगीत ,सौरभ लामाको छायांकन ,देव महर्जनको एक्सन,समीर मियाँको भिएफएक्स,कविराज गहतराजको कोरियोग्राफी रहेको छ।
