यस्तो छ ‘पुजार सार्की’ को टिजर

काठमाडौं ।
मल्टिस्टारर फिल्म ‘पुजार सार्की’ को टिजर शुक्रबार सार्वजनीक गरिएको छ । सवा एक मिनेट लामो टिजरमा फिल्मका प्रमुख सबै कलाकार–आर्यन सिग्देल,प्रदिप खड्का,पल शाह,अञ्जना बराइली,परिक्षा लिम्बुलाई प्रस्तुत गरिएको छ । दिनेश राउत निर्देशीत फिल्मको टिजरबाट ‘पुजार सार्की’ ०४६ सालको सेरोफेरोको कथा रहेको जनाउ दिइएको छ ।
जातीय भेदभाव र छुवाछुतको कथा प्रस्तुत गरिएको फिल्ममा चक्लेटी हिरोका रुपमा चिनीएका आर्यन,प्रदिप र पल,तीनैजनालाई गाउँले परिबेशका युवाको भूमिकामा प्रस्तुत गरिएको देखिन्छ । टिजरले यो फिल्म पछिल्लो समय निर्माण,प्रदर्शन भइरहेका भन्दा अलि बेग्लै कथा,परिबेश र पृष्टभूमिमा रहेको देखाएको छ ।

जेठ १० गते प्रदर्शन हुने फिल्मको निर्माता सुवास भुसाल हुन् । फिल्ममा मोहन निरौला, लोकेन्द्र लेखक, सुवास गजुरेल, विद्या कार्की, तारा शर्मा, शङ्कर आचार्य, प्रेम सुब्बालगायतका कलाकारको समेत अभिनय छ । बिकास सुवेदीले लेखेको फिल्म राजेश श्रेष्ठले खिचेका हुन् भने हिमाल केसीको द्वन्द्व निर्देशन,भरत रेग्मीको सम्पादन,सुप्रिम पराजुलीको कलर ग्रेडिङ अनि शैलेश श्रेष्ठको पाश्र्व संगीत छ । अन्तराष्ट्रिय बितरण अधिकारी एमएसएमले लिएको यो फिल्मलाई आरआर फिल्मस्ले देशब्यापी प्रदर्शन गर्ने छ ।
हेर्नुस् टिजर–