केकीको ‘बोक्सीको घर’ को डरलाग्दो ट्रेलर

काठमाडौं ।
अभिनेत्री केकी अधिकारी निर्मित फिल्म ‘बोक्सीको घर’ को ट्रेलर सार्वजनीक गरिएको छ । बैशाख १४ गते प्रदर्शन हुने फिल्मको २ः३० लामो ट्रेलरमा सस्पेन्स, थ्रिलरलाई जोड दिइएको छ ।
नेपाली समाजमा बोक्सीको नाममा महिलामाथि हुने गरेको हिंसा,दुब्र्यबहारको बिषयलाई उठान गरिएको फिल्मको लेखन र निर्देशक सुलक्षण भारतीले गरेका हुन् । ट्रेलरले फिल्ममा केही बिशेष छ भन्ने छनक देखाएको छ । केकीका साथमा सुलक्षण भारती,रमा थपलिया, सुष्मा निरौला,लोकमणि सापकोटा,सुपला सापकोटालगायतका कलाकारले अभिनय गरेको ‘बोक्सीको घर’ लाई सत्य घटनाहरुबाट प्रेरित फिल्म भनिएको छ ।
बद्रि अधिकारी निर्माता रहेको फिल्मको कार्यकारी निर्मातामा राज घिमीरे र लाइन प्रोडयुसरमा रुपक अधिकारी छन् । नवराज उप्रेतीको छायांकन र अमृत चापागाइँको सम्पादन रहेको फिल्मलाई नयाँ बितरण कम्पनी द टि फोक्सले बितरण गर्दैछ ।
हेर्नुस् ट्रेलर–