0
Shares
काठमाडौं,२१ चैत्र ।
केही दिनअघि फस्र्टलुक सार्वजनीक गरेको फिल्म ‘मिराः स्याडो अफ अ रेन्बो’ को ट्रेलर मंगलबार दर्शकमाझ ल्याइएको छ । प्रदर्शन मिति तय नगरिएको फिल्मको ट्रेलरमा अटिजम पीडित बच्चीको संघर्ष तथा आमा र बाबुको बेग्लाबेग्लै यौन लिप्साको बिषय प्रस्तुत गरिएको छ ।
अनिता पण्डितको लेखन,निर्देशनमा बनेको फिल्ममा उनी स्वयम् मुख्य भूमिकामा छिन् । साथमा निशान चौहान,कैलाश रावत,रोशनी कार्की,सुरवीना कार्की तथा बाल कलाकार आश्वि घिमीरेले अभिनय गरेका छन् । प्रसस्त मात्रामा ग्ल्यामरस दृश्य समाबेश गरिएको ट्रेलरले पति बाहिरी युवतीसँग हिड्ने अनि पत्नी चाहिँ समलिङ्गी यौन सम्बन्धमा रमाउनेजस्ता लथालिंग अबस्थालाई दर्शाएको छ ।
चेतनामुलक चलचित्रको रुपमा बताएको फिल्म अगामी बर्ष हलमा प्रदर्शन गर्ने लक्ष्य निर्माण टिमको छ । अनिल कटुवालले खिचेको फिल्ममा एलिस कार्कीको संगीत छ । बिजेश पौडेलले सम्पादन गरेको फिल्मको निर्मातामा बिशाल घिमीरे र अनिता पण्डित छन् ।
