‘रेड सुटकेस’ को ट्रेलरमा सौगात,बिपीन,प्रबिण र सृष्टि

काठमाडौं,२० चैत्र ।
नयाँ वर्ष ०८१ को अवसर पारेर ३० चैत्रमा प्रदर्शन हुन लागेको फिल्म ‘रेड सुटकेस’ को ट्रेलर मंगलबार सार्वजनीक गरिएको छ । फिडेल देवकोटा निर्देशीत फिल्मको झण्डै सवा दुई मिनेट लामो ट्रेलरमा सौगात मल्ल,बिपीन कार्की र प्रवीण खतिवडा र सृष्टि श्रेष्ठलाई प्रस्तुत गरिएको छ । ट्रेलर रहस्यमयी लाग्छ ।
बैदेशीक रोजगारीमा जाने नेपाली युवाको बाध्यताको कथालाई प्रस्तुत गरिएको बताइने फिल्ममा सौगात,बिपीन,सृष्टिका साथमा प्रविण मुख्य भुमिकामा छन् । आइसफल प्रोडक्सनले निर्माण गरेको फिल्म गत वर्ष भेनिस फिल्म फेष्टिभलमा वल्र्ड प्रिमियर भएको थियो । फिल्मले सो फेष्टिभलमा फन्डापजियोनी फाई पर्सना लभारो एम्विएन्टेजमा अनरेवल मेन्सन अवार्ड जितेको थियो ।

त्यसैगरी यो फिल्म जर्मनीको म्यानहाइम हाइडेलवर्ग इन्टरनेशनल फिल्म फेष्टिभल,स्वीजरल्याण्डको जुरिच फिल्म फेष्टिभल तथा मुम्बइ फिल्म फेष्टिभल अनि हालै सम्पन्न निफ फिल्म फेष्टिभलमा समेत प्रदर्शन गरिएको थियो । निर्देशक फिडेलले बिसाटो डिआरो नामक स्वतन्त्र फिल्म समीक्षकहरुको संस्थाले उनलाई वेस्ट फस्ट फिचर फिल्म अवार्ड प्रदान गरेको थियो ।
त्यसैगरी,श्रीलंकामा सम्पन्न जाफ्ना इन्टरनेशनल फिल्म फेष्टिभलमा पनि यो फिल्मले अवार्ड जितेको थियो । निर्देशक फिडेलकै लेखन रहेको फिल्म सुसन प्रजापतिले खिचेका हुन् भने सहनिर्मातामा भिमुक्थी जयसुन्दरा अनि निर्माता रामकृष्ण पोखरेल,सोभा थापा र निर्देशक फिडेल स्वयम् छन् । फिल्मको नेपाल बितरक आरआर फिल्मस् हो ।

हेर्नुस् ट्रेलर–