0
Shares
काठमाडौं,२० चैत्र ।
फिल्म निर्देशनमा राजु गिरी जत्तिको सक्रिय निर्देशक कमै होलान् । एउटा फिल्मको सुटिङ सक्न पाएको हुन्न, उनी अर्काे फिल्म सुरु गरिहाल्छन् । एउटाबाट अर्काे फिल्ममा जाने बीचको समयमा उनले कुनै न कुनै सिरियल गरिहाल्छन् । उनले हालै ‘इश्वर’ नामक फिल्मको सुटिङ सकाएर ०८१ को मंसिर १४ लाई प्रदर्शन मिति तोकिसके । त्यसबीचको समयमा उनले ‘इच्छाधारी नागिन’ सिरियल गरे भने अब उनले अर्काे फिचर फिल्म घोषणा गरेका छन् । फिल्मको नाम छ–‘डल्लेले इन्ट्री मार्यो’ ।
साउन तेश्रो साताबाट सुटिङ सुरु गरिने बताइएको ‘डल्लेले इन्ट्री मार्याे’ को सोमबार थिम पोस्टरसहित घोषणा गरिएको हो । जिआर प्रोडक्सनको ब्यानरमा निर्माण हुने फिल्मको कथा उमेश बस्नेतले रचेका छन् भने पटकथा,संवाद लेखन कार्यको जिम्मा अभिनेता सविन बास्तोलालाई दिएका छन् । यो फिल्ममा बाबुल गिरीको संगीत रहने छ भने कलाकारहरु चाहिँ नयाँ–पुराना मिलाएर लिइने बताइएको छ । ‘डल्लेले इन्ट्री मार्याे’ निर्मातामा आशिक बस्नेत र आर्दश बस्नेत छन् ।
