‘गणपति’ को कुतुहलता जगाउने ट्रेलर

काठमाडौं, ३० साउन ।
प्रतिक्षित फिल्म ‘गणपति’ को ३ मिनेट लामो ट्रेलर मंगलबार ओएसआर डिजिटलबाट रिलिज गरिएको छ । भदौ १४ गते प्रदर्शन हुने फिल्मलाई सबिन अधिकारीले निर्देशन गरेका हुन् ।
निर्देशक सबिनकै लेखन रहेको फिल्मको ट्रेलरमा भगवान गणेशजस्तो स्वरुपको पुत्र लाभ भएपछि परिवार तथा समाजमा आउने परिस्थितिलाई प्रस्तुत गरिएको छ । कमेडी र सेन्टिमेन्ट भरपुर देखिने फिल्ममा मुुकुन भुसाल,मेनुका प्रधान,राजाराम पौडेल,सूर्यमाला खनाल,स्व.जयनन्द लामा,सुशील पोखरेल,प्रकाश घिमीरे,पुस्कर गुरुङ,अंशु मानन्धर,कविता न्यौपाने,देवेन्द्र बब्लु,कालु रानाका साथमा अथिति भूमिकामा अभिनेत्री बर्षा शिवाकोटीले अभिनय गरेकी छिन् ।

‘बुलबुल’ र ‘झिंगेदाउ’ को सफलतापछि अभिनेता मुकनको तेश्रो फिल्म ‘गणपति’ दर्शकमाझ आउन लागेको हो । पहिला अरु नै ब्यानर र निर्माता रहेको फिल्म औधी मन परेकाले सर्वाधिकार लिएर रिजाल एण्ड रिजाल प्रोडक्शनले ‘गणपति’ दर्शकमाझ ल्याउन लागेको हो । रिजाल एण्ड रिजाल प्रोडक्शनको ब्यानरमा रामप्रसाद रिजालको प्रस्तुति रहेको फिल्मको निर्मातामा लक्ष्मण रिजाल,कार्यकारी निर्माता बिज्ञान केसी र अर्बिन्द्र गिरी र सहनिर्मातामा चर्चित फिल्म एडिटर बनिष शाह छन् । हरिबहादुर घलेले खिचेको फिल्मका गीतमा अनिश अधिकारी,शंकर अधिकारी घायल,देबेन्द्र बब्बु,बाबुल गिरी र सबिन अधिकारीको शब्द अनि अनिश अधिकारीको संगीत छ । बिपीन मल्लले सम्पादन गरेको फिल्मको कोरियोग्राफर कविराज गहतराज हुन् । फिल्मको बितरण श्रीराम बालाजी फिल्मस् र एफडिले गर्दैछ ।
हेर्नुस् ट्रेलर–