‘हिँड्दा–हिँड्दै’ टिजरमा आकाश र रेखाको रोमान्स

काठमाडौं ।
लभस्टोरी फिल्म ‘हिँड्दा हिँड्दै’ को टिजर बिहीबार सार्वजनीक भएको छ । मिलन आले मगर निर्देशीत फिल्मको टिजरमा आकाश श्रेष्ठ र नवअभिनेत्री रेखा शाहबीचको प्रेम,रोमान्स र बिछोडको आभाष पाइन्छ ।
भदौ १ गते प्रदर्शन हुने फिल्म स्क्रिप्ट राइटरका रुपमा परिचीत सुशील पंगेनीले निर्माण गरेका हुन् । यसअघि ‘जंजीर’,‘टिचर’,‘एउटा साथी’,‘पल्लबी’ लगायतका फिल्मको स्क्रिप्ट लेखेका पंगेनी यो चलचित्रको लेखक र निर्माता हुन् ।
नारायण सुशील पंगेनी इन्टरटेन्मेन्टको ब्यानरमा राज लामा निर्माता रहेको फिल्मको प्रस्तुतकर्ता बिमल श्रेष्ठ छन् ।

फिल्ममा आकाश र रेखाका साथमा सलोन बस्नेत, सानीया खान, बिमल श्रेष्ठ, बिकास थापामगर,भोला सापकोटा र बालकलाकार अर्विन थिङ्गले अभिनय गरेका छन् । सुमन तण्डुकारले खिचेको फिल्मको गीतमा तारा प्रकाश र किरण माइकलको संगीत,कबिराज गहतराज र सुरेन्द्र बसेलको कोरियोग्राफी र देव महर्जनको द्धन्द्ध निर्देशन छ । प्रमोदकुमार तामाङ र महादेव साह सहनिर्माता रहेको फिल्मको सम्पादन गौतमराज खड्काले गरेका हुन् । समीर मियाँले कलर ग्रेडिङ गरेको फिल्मको बितरण आरआर फिल्मस्ले बितरण गर्नेछ ।

हेर्नुस् टिजर–