सर्वाेत्कृष्ट अवार्ड बिजेता ‘सतीदेवी’ साउन ४ बाट देशभर

काठमाडौं ।
चलचित्र ‘सतीदेवी’ को चर्चा चुलीएको छ । साउन ४ गतेबाट देशब्यापी प्रदर्शनमा आउने तयारीमा रहेको फिल्मलाई दर्शकले प्रतिक्षा गरेका छन् । निर्माण घोषणादेखिनै नै चर्चामा रहेको फिल्मको फस्र्टलुक पोस्टर सार्वजनीक भएसँगै फिल्मलाई बर्षकै प्रतिक्षित फिल्मका रुपमा हेरिएको छ ।

लक्ष्मण सुवेदीको लेखन,निर्माण र निर्देशनमा बनेको फिल्मको शीर्ष भूमिकामा अभिनेत्री मलिका महत छिन् । गत माघमा सौराहामा आयोजीत सौराहा दक्षिण एसियाली फिल्म फेष्टिभलमा सर्वाेत्कृष्ट फिल्म र शिब रेग्मी सर्वोत्कृष्ट निर्देशकको अवार्ड जितेको ‘सतीदेवी’ ले गत बैशाख पहिलो साता रामेछापमा आयोजीत तेश्रो नेपाल ग्रामिण चलचित्र महोत्सवमा सर्वाेत्कृष्ट फिल्म,सर्वाेत्कृष्ट स्क्रिप्ट र सर्वाेत्कृष्ट अभिनेत्री जुरी मेन्सन अवार्ड जितेको थियो ।

एकपछि अर्काे अवार्डमा सर्वाेत्कृष्ट ठहरिएको फिल्ममा मलिकाका साथमा बालकलाकार द्वय हर्षिका वली र मञ्जिला बानीयाँ,रमेश बुढाथोकी,भोला सापकोटा,सुजिता शिबाकोटी,सन्दिपबाबु लोहनी,सन्देश लिम्बू,बिमल श्रेष्ठ,मनिषा सापकोटालगायतका कलाकारले अभिनय गरेका छन् ।

दिलासा कृएसनको ब्यानरमा निर्मित फिल्मसँग अमेरिकाको क्यालिफोर्नीयास्थित गोल्डेन स्टेट मुभी मेकर्सले सहकार्य गरेको छ । पछिल्लो समय नारी प्रधान फिल्मलाई दर्शकले मन पराइरहेकाले ‘सतीदेवी’ ले पनि दर्शकको मन जित्ने बिश्वास निर्माण पक्षको छ ।

श्रीदेवी सुवेदी,दिलासा सुवेदी र सारा सुवेदी निर्माता रहेको फिल्मलाई उपत्यकामा रिच इन्टरटेन्मेन्ट र मोफसलका हलमा एफडी कम्पनीले बितरण गर्दैछ । फिल्मको सेकेन्ड लुक्स र टिजर केही दिनमै सार्वजनीक गरिने बताइएको छ ।