पदमले ल्याए ‘कालो कपाल रातो रिवन’ मा किरण र एलिसा (भिडियो)

काठमाडौं ।

गायक पदम भट्टराईको नयाँ गीत ‘कालो कपाल रातो रिबन’ को भिडियो शनिबार सार्वजनिक गरिएको छ । राम अबिरल बिष्टको शब्द र एसडी योगीको संगीत रहेको गीत गायनमा पदमलाई गायिका रेश्मा पुनले साथ दिएकी छन् । राम अविरल विष्टको शब्द रचना रहेको गीतमा एसडी योगीको संगीत छ ।

प्रेमाभावको गीतको भिडियोमा किरण श्रेष्ठ र एलिसा शर्माका साथमा गायक पदम स्वयं पनि प्रस्तुत भएका छन् । युमी बालामीको निर्देशन तथा कोरियोग्राफी रहेको भिडियो पिटर गुरुङले खिचेका हुन् भने सम्पादन विष्णुहरी तिमल्सिनाले गरेका हुन् । आफ्नो गीत र भिडियो दुवै बलियो रहेकाले दर्शक–स्रोताको मन जित्नेमा आफू बिश्वस्त रहेको गायक पवन बताउछन् । यसअघि उनले ‘झरी झरी’, ‘कहीँ कतै तिम्रो’, ‘बेबी चढ्यो रे’ जस्ता गीत सार्वजनिक गरिसकेका छन् ।
हेर्नुस् भिडियोः–